Sulmuesi egjiptian i Liverpoolit, Mohamed Salah vazhdon të shkëlqej këtë sezon të garave.
‘The Reds’ mundën Tottenhamin (6-3), të dielën që lamë pas duke bërë hapin e madh në garën për titull të kamponit.
Salah me dygolëshin në fitoren kundër ‘Spurs’ arrin në kuotën e 18-të gola këtë edicion të garave duke hyrë në historinë e klubit nga ‘Anfield’ si golashënuesi i katërt në historinë e skuadrës së Liverpoolit.
Salah pas ndeshjes tha se skuadra e tij bëri paraqitje mjaft të mirë në duel me Tottenhamin, por sipas tij, skuadra e Liverpoolit ende duhet të përmirësohet.
“Ne ishim mjaft të mirë përpara, por në mbrojtje duhet të përmirësohemi si ekip. Të pranosh tre gola është mjaft e vështirë, por është një rezultat i mirë, le të shpresojmë të vazhdojmë kështu”, ka thënë Salah.
“Është fantastike të arrish këtë moment historik në një klub kaq të madh, por gjëja më e rëndësishme është që ne e fituam ndeshjen. Kudo që ta përfundoj karrierën time, jam i lumtur me këtë”, ka pohuar sulmuesi egjiptian.
Burimi: botasot.info
