Armando Sadiku ka shënuar përsëri me fanellën e Kartagjenës.
Por mbrëmjen e sotme goli me siguri i ka shijuar më tepër. Sulmuesi shqiptar i ka shënuar ish-skuadrës së tij, që nuk i besoi dhe e largoi përfundimisht nga organika e vetë, duke i hequr shansin për të luajtur në La Liga.
Por fati e ka vënë sot përballë tyre në fushën e lojës dhe Sadiku nuk ka nguruar të përmbushë “hakrmarrjen” e tij. Në minutën e 3-të të shtesës së pjesës së parë, lojtari nga Elbasani vë në punë nuhatjen e tij brenda zone, teksa zgjat këmbën për të devijuar topin të shkojë në rrjetë.
Festa është e gjitha për të, pasi i shënon Levantes në shtëpinë e kësaj të fundit.
