Marrëdhëniet midis Rusisë dhe NATO-s kanë rënë në nivelin e konfrontimit të drejtpërdrejtë, ka pohuar zëdhënësi i Kremlinit, Dmitry Peskov.
Ai pretendoi se disa vende të NATO-s janë përfshirë në luftën në Ukrainë dhe se aleanca ushtarake po zgjeron infrastrukturën e saj ushtarake drejt kufijve të Rusisë.
“Në fakt, NATO vazhdon të demonstrojë thelbin e saj, sepse NATO u parashikua si një aleancë, e konfiguruar, krijuar dhe menaxhuar nga Shtetet e Bashkuara si një instrument konfrontimi, kryesisht në kontinentin evropian”, tha Peskov.
NATO-ja vazhdon të përmbushë funksionet e saj në këtë drejtim, e cila, megjithatë, në asnjë mënyrë nuk kontribuon në sigurinë dhe stabilitetin në kontinent, por përkundrazi – paraqet një faktor destabilizues.
NATO-ja shënon sot 75-vjetorin e saj, me ministrat e jashtëm që takohen për të diskutuar mbështetjen afatgjatë për Ukrainën.
Aleanca thotë se është përpjekur të shmangë konfrontimin e drejtpërdrejtë me Rusinë dhe këtë mëngjes sekretari i jashtëm britanik Lord Cameron përjashtoi mundësinë e vendosjes së çizmeve në terren në Ukrainë, shkruan Skynews.
