Komanda e Forcave të Armatosura të Ukrainës thotë se sheh shenja se Rusia po fillon ofensivën e saj të re në Ukrainën lindore, shkruan BBC, transmeton Bota sot.
Shtabi i përgjithshëm i forcave të armatosura postoi në mediat sociale se përpjekjet kryesore të Rusisë tani ishin të përqendruara në vendosjen e kontrollit të plotë të rajoneve Donetsk dhe Luhansk, me intensifikimin e veprimeve ushtarake në Kharkiv.
Ai shtoi se lufta për Mariupolin vazhdoi dhe ushtria ruse po fokusohej në marrjen e kontrollit të plotë të zonës.
Ai tha gjithashtu se Rusia vazhdon të shkelë rregullat e së drejtës ndërkombëtare humanitare dhe po bllokon iniciativat për evakuimin e civilëve nga vendbanimet e pushtuara.
