Të paktën një person ka humbur jetën dhe një tjetër është plagosur pasi një helikopter bëri ulje të detyruar në rajonin rus Kemerovo, raportuan mediat lokale, transmeton Anadoliu.
“Një helikopter privat Mi-8 që transportonte dhjetë persona bëri një ulje të detyruar pranë malit Topkhan në rrethin Mezhdurechensk, me ç’rast një person humbi jetën dhe një tjetër u plagos”, tha një burim nga shërbimet operative për agjencinë shtetërore të lajmeve TASS.
Më tej shtohet se një tjetër helikopter që fluturonte pranë Mi-8 e mori viktimën dhe u kthye për të marrë të plagosurin.
Pritet që një tjetër helikopter nga qyteti Gorno-Altaisk të arrijë në vendngjarje për të evakuuar tetë personat e tjerë.
