Pluhuri saharian ka mbërritur në Kosovë. Kështu bën të ditur edhe meteorologu, Mendim Rugova.
Ai thotë se gjatë kësaj sezone, ky pluhur nuk ka aq vlera të larta të ndotjes, dhe se nuk ndikon në shëndetin e njerëzve.
“Këto ditë niveli i ndotjes nuk ka qenë ndoshta në ato vlerat që janë gjatë muajve dimërorë, që janë vlera të larta të ndotjes”, thotë Rugova në Edicionin Special.
“Janë vlera relativisht të larta, jo ekstremisht të larta”.
“Nuk është rast që mundet të ndikojë në shëndet të njeriut, sepse nuk janë prezente për një kohë të gjatë, qoftë për disa orë, ose një ose dy ditë”, u shpreh Rugova.
