Janë shtrenjtuar sërish çmimet e karburanteve në Shqipëri.
Mësohet se gjatë ditës së sotme çmimet e naftës dhe benzinës janë rritur me 10 lekë për litër.
Pra Bordi i Transparencës ka vendosur sot që një litër naftë do të tregtohet tashmë me 243 lekë, nga 233 lekë që ishte deri sot, sipas vendimit që ishte marrë në datën 27 prill.
Ky është niveli më i lartë që nga data 26 mars.
Në rritje është edhe benzina, që do të tregtohet me 223 lekë, nga 213 lekë që ishte deri tani. Gazi është rritur me dy lekë për litër, në 106 lekë.
