Gati 6.500 foshnja kanë lindur në Turkiye-n jugore pas dy tërmete që tronditën rajonin në fillim të këtij muaji, tha sot ministri turk i Shëndetësisë, Fahrettin Koca, raporton Anadolu.
“Gjithsej 6.447 foshnja kanë lindur në rajonin e prekur nga tërmetet që nga dita e parë e fatkeqësisë. Çdo fëmijë i lindur është shpresë”, tha Koca në Qendrën Koordinuese të Agjencisë së Menaxhimit të Fatkeqësive dhe Emergjencave të Turkiye-s (AFAD) në Hatay.
Ai u ka uruar foshnjave jetë të bukur dhe të gjatë. Koca tha se “shërbimet e nevojshme shëndetësore u ofrohen foshnjave dhe nënave të tyre pa ndërprerje”.
“Mbi 51.150 pacientë dhe të plagosur u transferuan nga zona e tërmetit në spitalet e qyteteve të tjera”, tha Koca.
Ai tha se në zonën e fatkeqësisë janë ngritur gjithsej 114 njësi emergjente dhe 25 spitale të lëvizshme.
Numri i të vdekurve nga tërmetet shkatërruese në Turkiye-n jugore është rritur në 40.642.
