Nur Surer, aktorja turke e cila është shumë e njohur me rolin e Ferides në serialin “Vajza në dritare”, që transmetohet në TV Klan ishte e ftuar së fundmi në një program. Ajo tregoi se e krahason shumë nënën e saj me Feriden.
“Mamaja ime ishte autoritare, pak si Feride. Unë isha një fëmijë i disiplinuar, i rregullt, i përpiktë. Zakonisht është dikush në çdo familje, në familjen tonë isha unë”, tregoi aktorja.
Nur Surer, e cila ka një djalë nga martesa me Bulent Kayabas tregoi se edhe djali i saj është i përpiktë si ajo.
“Më parë kam qenë më e përpiktë. Kur bëja pastrimin zemërohesha nëse nuk uleshin nëpër vende. Djali ka 8 vjet që jeton në Angli dhe është njësoj si unë, shumë i zoti dhe në gatim”, tha aktorja.
