Analisti Skënder Mulliqi, ka reaguar për sulmin ndaj profesorit shqiptar Petraq Milo nga policia malazeze.
Mulliqi ka thënë se ky akt i “shëmtuar” nuk duhet të kalohet pa ndëshkim, pasi sipas tij, është sulm “mirë i paramenduar nga qarqet shoviniste serbo-malazeze”, përcjell Bota sot.
“Pamje të rënda të dhunës brutale me uniforma malazeze ndaj Prof. Petraq Milo në pikën kufitare.
Ky akt i shëmtuar duhet të mos kalon pa ndëshkim nga organet përkatëse të Malit të Zi, në të kundërtën do të kuptohet si rast jo i izoluar, por si një sulm mirë i paramenduar të qarqeve shoviniste serbo-malazeze.
Aq më të shëmtuar e barbar e bën këtë akt, fakti se profesori universitar, Milo ishte i shoqëruar në veturë me familje, ku shihen shqetësimet dhe frika e tyre e arsyeshme nga maltretimet që iu ndodhën, duke i rrahur dhe duke i terhequr zvarrë.
Në videon e publikuar në rrjetet sociale e qe është virale, shihet dhe dëgjohet kur Milo u thotë policëve se “nuk kam bërë asgjë”.
Ky incident i rëndë, ështe bërë pak ditë para mbledhjes së planifikuar të përbashkët të dy qeverive”, ka thënë Mulliqi, në një reagim dërguar në “Bota sot”.
