Gianluca Mancini dhe Roma do të ecin përpara së bashku. Të paktën deri në vitin 2027. Njoftimi zyrtar nga klubi verdhekuq ka mbërritur ditën e sotme.
Qendërmbrojtësi ka vazhduar edhe më tej kontratën e tij, pasi zgjatja deri në vitin 2026 ishte paralajmëruar në buxhetin e gjashtëmujorit të shkurtit të kaluar.
Me mbërritjen në Romë verën e vitit 2019 nga Atalanta, Mancini u stërvit fillimisht me Paulo Fonseca dhe më pas me José Mourinhon.
Me “Special One”, mbrojtësi ka hedhur hapa vendimtarë në rrugën e tij të rritjes, deri në thirrjen me kombëtaren italiane.
Te verdhekuqtë, Mancini ka luajtur 128 ndeshje, duke shënuar 7 gola midis kampionateve, kupave kombëtare dhe evropiane.
Në vitin 2022, ai fitoi Ligën e Konferencës, duke mposhtur në finale e Tiranës holandezët e Feynoord. Në këtë kompeticion, qendërmbrojtësi shënoi një gol në ndeshjen kundër CSKA Sofjes në ndeshjen hapëse të grupit.
