Rrjeti telemetrik sizmologjik i Republikës së Maqedonisë së Veriut, me stacione në Shkup, Vallandovë, Ohër, Shtip dhe Pehçevë, në kuadër të Observatorit Sizmologjik të Fakultetit Matematikor-Natyror në Shkup, sot regjistroi tërmet 124 kilometra në jugperëndim të Shkupit në Republikën e Greqisë.
Sipas të dhënave të deritanishme me të cilat disponon observatori, tërmeti ka ndodhur në orën 10 e 29 minuta me magnitudë lokale rihteri ML3.2 dhe intensitet prej III ballë sipas Shkallës Makroseizmike Evropiane, ndërsa ishte ndjerë nga popullata në Manastir dhe rrethinë.
