Ambasadori i Ukrainës në Poloninë fqinje ka thënë se kombi i tij është mirënjohës për mirëpritjen që polakët u kanë bërë miliona refugjatëve ukrainas, shkruan Sky news, përcjell “Bota sot”.
Por Andrii Deshchytsia tha gjithashtu se shpreson që Bashkimi Evropian së shpejti do t’i lëshojë miliarda euro Polonisë – kështu që ndihma nuk vjen “me koston e popullit polak”.
Ai tha se edhe pse nuk kishte pasur tensione reale sociale në tre muajt që kur ukrainasit filluan të kalonin në Poloni duke kërkuar siguri, ai shqetësohej se ata mund të shfaqen në të ardhmen duke pasur parasysh masën e madhe të ndihmës polake.
Qeveria ka ofruar kujdes mjekësor, arsim dhe shërbime të tjera sociale falas për ukrainasit, ndërsa më shumë se 80% e tyre janë të vendosur në shtëpi private polake
