Liga e Kampionëve rikthehet sot me ndeshjet radhës në fazën e grupeve.
Kryendeshja e natës së sontme luhet në Grupi E, ku Milani i bën ‘konak’ Chelseas.
Kampionët e Italisë synojnë hakmarrje për humbjen e pësuar një javë më parë në Londër. Kjo sfidë parashikohet të jetë e zjarrtë sepse pikët janë tejet të rëndësishme për të dy skuadrat në garën për të kaluar në rrethin tjetër. Aktualisht të dy skuadrat kanë nga katër pikë.
Ndërkaq, kampioni në fuqi i Evropës, Real Madrid kundër Shakhtar kërkon fitoren e radhës për të siguruar kalimin në rrethin tjetër të garave në elitën e futbollit evropian. ‘Los Blancos’ kryesojnë grupin me nëntë pikë, pesë më shumë së Shakhtar.
Sfidë interesante është edhe dueli Borussia Dortmund – Sevilla, takim ky që luhet në kuadër të Grupit G. ‘Milionerët’ e Gjermanisë kërkojnë trepikëshin dhe për të bërë hapin gjigant për kualifikimin në rundin tjetër të garave.
Në Grupin H josh dueli PSG-Benfica. Ky duel pritet të jetë i ‘nxehtë’ pasi që të dy skuadrat kryesojnë grupin me nga shtatë pikë të tubuara, katër më shumë së Juventusi që luan në udhëtim tek Maccabi.
Grupi E
21:00, Milan-Chelsea
21:00, Dinamo Zagreb-Salzburg
Grupi F
21:00, Celtic-Leipzig
21:00, Shakhtar-Real Madrid
Grupi G
18:45, Copenhagen-Man City
21:00, Borussia Dortmund-Sevilla
Grupi H
18:45, Maccabi-Juventus
21:00, PSG-Benfica
