Real Madrid bëri një ndeshje të madhe mbrëmë në Champions League kur mposhti skuadrën e Chelsea me rezultat të përgjithshëm 5:4, por kjo nuk ka bërë që zërat për zëvendësimin e Ancelotti të zbehen.
‘Los Blancos’ duket se nuk kalkulojnë më shumë sesa përtej këtij sezoni në emrin e Carlo Ancelotti. Skuadra dëshiron ndryshime në stol.
‘El Nacional’ bën të ditur se Real Madrid duan shërbimet e Joachim Low.
Ish-selektori i kombëtares së Gjermanisë shihet si zëvendësuesi ideal i trajnerit Ancelotti.
Joachim Low ka qenë i lidhur me një kalim të mundshëm te Reali edhe në të kaluarën, por një gjë e tillë nuk ndodhte.
Florentino Perez thuhet se e pëlqen shumë trajnerin gjerman dhe pritet të bëjë lëvizjet e tij për të marrë nënshkrimin e Low.
