Vjen më në fund edhe reagimi i Kryeministrit Edi Rama për takimin që pati me presidentin e UEFA-s, Aleksander Ceferin.
Kreu i qeverisë nëpërmjet një postimi të shkurtër në Twitter, shkruan se ky takim “s’mund të ishte dot më i mirë, për qëllimin e përbashkët të zhvillimit në Tiranë të finales së parë europiane në histori.
Sa i përket temës së ditës, ndërhyrjes së politikës në proceset zgjedhore të anëtarëve të FSHF-së, Rama shkruan se ky takim ka vlejtur për realizimin e një procesi të besueshëm për të gjitha palët.
Postimi i Ramës:
“Takimi sot me Presidentin e UEFA-s s’mund të ishte dot më i mirë për qëllimin e përbashkët të zhvillimit në Tiranë të finales së parë europiane në histori, si dhe të realizimit të një procesi të besueshëm për të gjitha palët e përfshira në zgjedhjet e reja të FSHF-së”.
