Për shkak të përkeqësimit të motit në qytetin e Vlorës është pezulluar dalja në det e mjeteve të vogla lundruese dhe atyre të peshkimit.
Gjithashtu anijet turistike me mbi 12 pasagjerë janë ndaluar në shkojnë në ishullin e Sazanit, duke u lejuar të lundrojnë vetëm në Karaburun.
Ndërkohë anijet e ndryshme te transportit ndërkombëtar detar nuk janë pezulluar.
Ndërsa retë e zeza kanë mbuluar qiellin, deti është i dallgëzuar dhe fryn erë e fortë, pushuesit kanë vijuar të shijojnë plazhin.
Në pamjet e publikuara nga Gazeta Panorama, shihen disa pushues që lahen në detin e Vlorës.
