Manchester United po i drejtohet fundit të një tjetër sezoni zhgënjyes pa trofe. Djajtë e Kuq rrezikojnë edhe kualifikimin në edicionin e ardhshëm të Champions League.
Djajtë e Kuq mbajnë vendin e shtatë në renditje me 51 pikë, gjashtë larg zonës Champions kur kanë mbetur edhe shtatë ndeshje nga fundit i kampionatit anglez.
Drejtuesit e klubi po punojnë që ta kthejnë skuadrën aty ku meriton dhe hapi i parë i bërë për ta arritur këtë objektiv ka qenë zgjedhja e Ten Hag, trajneri aktual i Ajax, për sezonin e ardhshëm.
Një operacion që dukej i mbyllur, por tani kanë ardhur disa deklarata të trajnerit aktual të Manchester United, Ralf Rangnick, që kanë hedhur dyshime mbi këtë.
“Nuk e di nëse është një operacion i mbyllur, përgjigja ime është gjithmonë e njëjta. Ten Hag është një trajner i mirë, po bën një punë tek Ajax-i, por nuk ka kuptim të flitet për këtë tani”.
