Ramiz Sadiku i Prishtinës po kalon krizë të thellë të rezultateve, skuadër që renditet në pozitën e parafundit (i nënti) me 5 pikë të mbledhura pas 6 javëve në Ligën e Parë të Kosovës në futboll, Grupi B.
Drejtuesit e klubit Ramiz Sadiku kanë zgjedhur trajnerin e ri.
Është fjala për Granit Dervishollin.
“Granit Dervisholli merr timonin e ekipit të seniorëve.
Trajneri i ri bashkë me stafin e tij sot kane mbajtur stërvitjen e parë me ekipin dhe janë ndarë shumë të kënaqur me dëshirën dhe motivin e treguar gjate stërvitjes së parë!
Falenderojmë trajnerin Triumf Sinani bashke me stafin e tij për punën e bërë deri me tani!
Vazhdojmë të bashkuar drejtë synimeve tona”, njofton KF Ramiz Sadiku.
