Kryeministri Edi Rama ka mbërritur këtë të martë në Vlorë, ku do të zhvillojë një sërë aktivitetesh në kuadër të vizitës së tij në qytetin bregdetar.
Ndalesa e parë e kreut të qeverisë është në Bazën Detare të Pashalimanit, në Orikum, ku pritet të zhvillojë një vizitë për t’u njohur nga afër me situatën dhe aktivitetin në këtë strukturë strategjike.
Më pas, Rama do të ndalet në zonën e Triportit, ku ka nisur investimi për ndërtimin e Portit të Ri të Vlorës.
Vizita pritet të fokusohet në ecurinë e punimeve dhe rëndësinë e këtij projekti për zhvillimin e infrastrukturës portuale dhe ekonomike të rajonit.
Burimi: botasot.info
