Persona të armatosur ekzekutojnë 2 anëtarët e Gardës Revolucionare të Iranit përpara shtëpive të tyre, dy të tjerë plagosen!

Dy anëtarë të Gardës Revolucionare u vranë në një sulm të armatosur përpara shtëpisë së tyre në qytetin Paveh, në Iranin perëndimor, pranë kufirit me rajonin autonom të Kurdistanit Irakian, sipas mediave shtetërore iraniane.

Dy anëtarë të tjerë të Gardës Revolucionare u plagosën në të njëjtin sulm.

Një grup i sapoformuar që e quan veten “Xori Hiwa” (Dielli i Shpresës) mori përgjegjësinë, duke i identifikuar vrasësit si Khaled Khaledi dhe Borhan Karisani, por pa dhënë asnjë provë. Media shtetërore fajësoi “mercenarët sionistë-amerikanë”.

Teherani ka akuzuar vazhdimisht grupet separatiste kurde që veprojnë në rajonin kufitar për sulme të ngjashme në të kaluarën, duke pretenduar se ato kanë lidhje me Shtetet e Bashkuara dhe Izraelin.

Televizioni shtetëror iranian e përshkroi sulmin si një “akt terrorist dhe frikacak”, pa dhënë detaje të mëtejshme rreth rrethanave në të cilat u ekzekutuan dy burrat.

Ai tha gjithashtu se autoritetet po hetonin rastin, duke vënë në dukje se “rrethanat e sakta të incidentit dhe veprimet për të identifikuar ata që janë përgjegjës janë duke u shqyrtuar”.