Kryeministri Edi Rama ka publikuar në rrjetin e tij social shifrat e turistëve të huaj të cilët kanë ardhur që të kalojnë pushimet në vendin tonë në këtë sezon turistik.
Së fundmi, kreu i qeverisë është ndalur te gjermanët, ku shkruan se në këto 7 muaj kanë ardhur 100 mijë turistë, përkundrejt 52 mijë në të njëjtën periudhë vitin e kaluar.
“Mbi 100 mijë turistë gjermanë e kanë vizituar në këta shtatë muaj vendin tonë, përkundrejt 52 mijë në të njëjtën periudhë vitin e kaluar. Mediat gjermane vijojnë traditën e mirë të promovimit të Shqipërisë, ku këtë herë gjiganti “Die Zeit” i kushton një artikull rivierës shqiptare, florës e faunës”, shkruan Rama, teksa ka bashkëngjitur edhe artikullin e medias gjermane.
