Përparim Rama, kryetar i komunës së Prishtinës, po kërkon që sa më shpejt të krijohet policia e kryeqytetit dhe të caktohen kompetencat e saj.
Kjo kërkesë vjen për arsyen se, kur inspektorati i kryeqytetit duhet të kryej ndonjë intervenim në qytet, inspektorati ka nevojë shpeshherë për ndihmën e policisë, të cilën sot e merr nga policia e Kosovës.
Por është bërë me dije që për ta marrë këtë ndihmë, komuna e Prishtinës duhet të bëjë kërkesë në polici, kërkesë e cila shumë herë vonon disa ditë e vonesë e cila shkakton që aksionet e inspektoratit të shtyhen.
Duhet përmendur që rreth kësaj çështjeje Kuvendi i Kosovës, në vitin 2018 ka miratuar ligjin e Prishtinës përmes të cilit, Prishtinës i takon policia e saj.
Por diçka e tillë ende nuk është zbatuar, gjë që bënë që telashet për komunën dhe inspektoratin e saj të vazhdojnë.
I pari i Prishtinës ka deklaruar se ai veç se ka filluar takimet me Ministrinë e Administrimit Lokal, për ta zgjidhur sa ma shpejt këtë problem./kk/
