Kryeministri i Shqipërisë, Edi Rama ka uruar vitin e ri, me lutjen për paqen dhe dashurinë.
Rama në urimin e tij tha se gjatë këtij viti ka bërë aq sa ka mundur dhe poqëse do të kishte mundësi të bëj më shumë, atë do ta bënte.
Rama: Vit i vështirë por edhe me ditë historike
“Ky ka qenë një tjetër vit tejet i vështirë, si inflacioni i luftës dhe çmendja e çmimit të energjisë e kanë bërë një vit të zymtë për mbarë Evropën. Kemi pasur edhe ditë të mira, në mes tyre edhe ditë historike si finalja e parë evropiane në Shqipëri apo Samiti i parë i BE-së, jashtë kufijve të BE-së, pa harruar momentin kulmor të shumëpritur, çeljen e negociatave për anëtarësim në Bashkimin Evropian“, tha ai, duke shtuar se për punën dhe progresin nuk dëshiron të marrë asnjë minutë nga mbrëmja e sotme, pasi minutën tjetër e shfrytëzoi për ta lexuar një tekst të vjetër.
Rama: Qoftë viti i ri një kohë për paqe
“Qoftë viti i ri një kohë për paqe, për dashuri dhe për plot të qeshura për ju, familjen dhe miqtë e të afërmit tuaj“, tha ai.
