Rregullshmëria, higjiena dhe standardet ekologjike, u theksuan si arsye kryesore pse Qyteti i Shkupit e prishi marrëveshjen me Ndërmarrjen për Qarkullim Publik – NQP Shkup, transmeton Portalb.mk.
“Ndërmarrja për Qarkullim Publik – NQP Shkup sot ka shkëputur marrëveshjen me transportuesit privat “MAKEKSPRES”, ndërsa linjat që qarkullonin autobusët privat, prej tani do të zëvendësohen me autobusët e NQP Shkup, ashtu që transporti i udhëtarëve të vazhdojë pa pengesa”, njoftojnë nga Qyteti i Shkupit.
Arsye për prishjen e marrëveshjes theksohet të jetë kushtet gjatë kryerjes së transportit publik, duke vlerësuar që qytetarët e kanë humbur besimin në transportin publik për shkak këtyre arsyeve.
“Fatkeqësisht duhet të konstatojmë që “MAKEKSPRES” deri në momentin e prishjes së marrëveshjes, nuk ka arritur të sigurojë modernizimin e autobusëve me standard ekologjike, nivel themelor të pastërtisë në autobusë dhe jorregullshmëria në pikëndalesat e autobusit”, deklarojnë nga Qyteti.
Ndryshe, derisa transportuesi privat i autobusëve të transportit publik të Shkupit, “Makekspres” edhe në fillim të muajit nuk i ka lëshuar në qarkullim linjat 19, 20, 22, 52 dhe 54, pasi që siç thonë, nuk kanë marrë para nga Qyteti i Shkupit, nga zyra e Danella Arsovskës për Portalb.mk kishin paralajmëruar se “te një grup transportuesish privat” janë regjistruar një sërë parregullsish dhe për këtë mund të ketë ndryshimi të kompensimit financiar për shërbimet e tyre.
Shkupi më 20 tetor mbeti pa transport publik për herë të parë në historinë e tij, autobusët e NTP “Shkupi” nuk qarkulluan nëpër rrugë për shkak të rrogave të papaguara të punëtorëve. Qyteti i Shkupit në një seancë të jashtëzakonshme ridestinoi 2 milionë euro nga projektet tjera të parapara në buxhet për subvencione për Shërbimin Shëndetësor Publik, në mënyrë që të bëhet ndarja e pagave. Por ato para nuk mjaftojnë për të paguar transportuesit privatë, ndaj akoma ka borxh ndaj tyre rreth 1.2 milionë euro.
Prej vitit 2016-të, autobusët privat qarkullojnë në kuadër të NTP-së. Sipas vendimit të atëhershëm të Këshillit të Qytetit të Shkupit, atyre u paguhet 61 denarë për 1 kilometër të kaluar.
Në maj të këtij viti, Portalb.mk alarmoi se për shkak të mospagesës së mjeteve financiare nga Qyteti i Shkupit, shoferët e linjës 19-të dhe 20 pa paralajmëruar kanë ndërprerë qarkullimin e linjës. Me këtë u krijua kaos pasi që tërë Komuna e Shuto Orizares mbeti pa transport publik dhe një pjesë e Komunës së Çairit.
Pas shkrimeve të Portalb.mk, përfaqësuesit e Qytetit të Shkupit u takuan mepërfaqësuesit e kompanisë private “MAKEKSPRES” dhe deklaruan që janë marrë vesh që Qyteti t’ua paguajë 60% të borxhit dhe me këtë do të normalizohet linja.
Autobusë falas për të gjithë qytetarët” – ishte kyeprojekti i Arsovskës, të cilin e premtoi gjatë fushatës zgjedhore, por një vjet pasi i ftoi zgjedhjet, sot qytetarët të cilët udhëtojnë me linjat 19, 20, 22, 52 dhe 54 nuk kanë mundësi të udhëtojnë, as me para.
- LEXO: Qyteti i Shkupit mund t’ua “shkurtojë mjetet” transportuesve privat, autobusët 19, 20, 22, 52 dhe 54 edhe sot në garazhe
- LEXO: Shkupi ka transport urban, por ka edhe bllokadë para qeverisë
- LEXO: Pronarët e autobusëve privat arritën marrëveshje me Qytetin e Shkupit, prej nesër normalizohen linjat 19 dhe 20
- LEXO: Ndalimi i qarkullimit të linjave të autobusit 19 dhe 20, LSDM akuzon Arsovskën për paaftësi
- LEXO: Autobusët “privat” të linjës 19 nuk qarkullojnë pasi Qyteti i Shkupit nuk u ka lëshuar mjete financiare
- LEXO: Këshilli i Qytetit të Shkupit e votoi vendimin për subvencione për NQP Arsovska kërkon që të gjitha borxhet ndaj kompanisë të shlyhen
- LEXO: Autobusët rifilluan qarkullimin, Qyteti i Shkupit ridestinoi 2 milionë euro për pagat e NTP-së
LEXO: Autobusët në grevë: Studentët nuk arritën në ligjërata, qytetarët humbën një ditë pune dhe terminet te mjeku - LEXO: Sot nuk ka autobusë, Shkupi për herë të parë në histori pa transport publik në mandatin e Arsovskës
- LEXO: Këshilli i Qytetit të Shkupit vendosi në lidhje me kërkesën e punëtorëve të transportit publik në Shkup
- LEXO: Nesër në Shkup nuk do të lëvizin autobusët e transportit publik, vazhdon pakënaqësia e të punësuarve në NQP “Shkup”
- LEXO: Qeveria e Maqedonisë së Veriut deklaroi që nuk ka asnjë borxh ndaj NQP “Shkupi”
- LEXO: Kryetarja e Shkupit Arsovska konsideron se nuk është përgjegjëse nëse Shkupi mbetet pa transport publik, shoferët e NTP-së nesër duan rroga
Burimi: portalb.mk
