Deputeti i Lëvizjes Vetëvendosje në Maqedoni dhe i koalicionit VLEN, Bekim Qoku, ka deklaruar se shqiptarët në Maqedoninë e Veriut, ndonëse nuk janë në gjendjen më të mirë të mundshme, sot jetojnë më mirë se kurrë më parë në 17-18 vitet e fundit.
Përmes një statusi në Facebook, Qoku ka theksuar se çdo përpjekje për të paraqitur një realitet ndryshe është thjesht propagandë e orkestruar dhe e financuar nga kuzhina e BDI-së, me qëllim që të mbulohet dëmi i shkaktuar nga kjo parti ndër vite.
Sipas tij, koalicioni VLEN përfaqëson alternativën e vërtetë të ndryshimit, simbolin e një kthese të re politike dhe shpresën për mundësi të reja për shqiptarët në Maqedoninë e Veriut. “Ecim tutje!” përfundon Qoku, duke theksuar vizionin e tij për të ardhmen.
Facebook statusi i plotë
Burimi: lajme24.mk
