Në Qendrën Kryesore të Mjekësisë Familjare 11, nga sot do të ofrohet kujdes shtesë për pacientët me sëmundje kronike, ku do të punohet shtatë ditë të javës.
Me këtë rast, kreu i Prishtinës, Përparim Rama i shoqëruar nga drejtori i Shëndetësisë në Prishtinë, Izet Sadiku, kanë vizituar këtë qendër, ku panë nga afër kujdesin që u ofrohet qytetarëve të Prishtinës, gjegjësisht pacientëve me sëmundje kronike.
Rama ka vizituar të gjitha hapësirat e kësaj qendre ku është njoftuar nga afër për punën që bëjnë punëtorët shëndetësorë për trajtimin e pacientëve.
Drejtori i QKMF-së, Bujar Gashi tha se në kjo qendër ka filluar të bëjë vizitë në shtëpitë e pacientëve të cilët do ta kontaktojnë QKMF-në.
“Po besojmë qe me dy ekipet t’i mbulojmë të gjitha thirrjet”, tha Gashi.
Kryetari i Prishtinës Përparim Rama u zotua për përkrahje të kësaj qendre në vazhdimësi.
