Të reshurat atmosferike që nisën ditë më parë, por që intensitetin e shtuan nga mbrëmja e së hënës, kanë shkaktuar dëme të mëdha në shumë zona të vendit.
Pos Gjakovës, Junikut, Rahovecit, Malishevës e Drenasit, që janë goditur goxha rëndë, edhe Istogu duket të jetë prekur nga kjo situatë.
Sipas raportimeve nga atje, thuhet se qendra e qytetit është në gjendje të rëndë.
Atje kanë dalë edhe ekipe të Shoqatës së Kosovës për Kërkim dhe Shpëtim, duke ndihmuar në sanimin e gjendjes.
Deri më tani nuk është raportuar për viktima, por dëmet materiale nga vërshimet janë të mëdha.
Burimi: botasot.info
