Putin kërkon njohjen e Krimesë si Rusi, e krahason me Kosovën

Presidenti rus, Vladimir Putin, ka bërë thirrje për njohje ndërkombëtare të Krimesë së pjesë të Rusisë dhe e ka krahasuar atë me Kosovën.

Putin tha më 23 shkurt se aneksimi i Gadishullit ukrainas të Krimesë më 2014, duhet të njihet si reflektim legjitim i zgjedhjes së banorëve lokalë, duke e krahasuar atë me pavarësinë e Kosovës.

Aneksimi i Krimesë është dënuar gjerësisht nga fuqitë ndërkombëtare dhe është cilësuar si shkelje e ligjit ndërkombëtar.

Këto komente të liderit rus vijnë një ditë pasi ai njohu rajonet separatiste në lindje të Ukrainës, Donjeck dhe Luhansk si entitete të pavarura.

Për t’i dhënë fund krizës aktuale në Ukrainë, Putin po ashtu ka bërë thirrje që NATO të mos e pranojë asnjëherë Ukrainën, duke thënë se ajo duhet të marrë “një status neutral”. Putin po ashtu ka kërkuar që aleanca ushtarake të mos i dërgojë armë Kievit./REL

GAZETA.MK

Story i mëparshëm

Tregu më i madh në botë i NFT-ve OpenSea përballet me një padi 1 milionë dollarëshe

Story i radhës

Prishtina në luftë me Istogun: KHF Istogu kurdis akuzën e radhës në drejtim të Prishtinës

Të fundit nga

AlbanianMacedonianEnglish