Forcat detare kolumbiane kanë gjetur një nëndetëse gjysmë të zhytur në ujë me rreth katër tonë kokainë brenda saj.
Nëndetësja e gjatë 15 metra ishte duke lundruar drejt Amerikës Qendrore para se të pengohej nga autoritetet, shkruan BBC.
Vlera e drogës së konfiskuar mendohet se është rreth 150 milionë dollarë dhe përbën sasinë më të madhe të kapur nga forcat detare të Paqësorit në dy vitet e fundit.
“E parandaluam trafikimin dhe konsumimin e më shumë se dhjetë milionë dozave në nivel global, duke e parandaluar arritjen e tyre në duart e të rinjve, duke parandaluar një gjeneratë të konsumuesve të rinj dhe duke i penguar vdekjet e dhunshme të shkaktuara nga mikro-trafikimi dhe vdekjet e shkaktuara nga mbidoza”, tha Francisco Hernando Cubidos Granados, komandant i forcave detare kolumbiane të Paqësorit.
