Një program i ngjeshur është parashikuar në agjendën e Kryeministrit grek Kyriakos Mitsotakis ditën e sotme dhe të nesërme në mbledhjen joformale për Ballkanin Perëndimor, që zhvillohet në Athinë.
Punimet e konferencës do të ndahen në dy ditë, ndërsa të pranishëm do të jenë zyrtarë të lartë të BE, por edhe përfaqësuesit e vendeve të Ballkanit, me përjashtim të Shqipërisë. I pranishëm do të jetë edhe kryeministri i Kosovës, Albin Kurti.
Por, mediat greke raportojnë se një i ftuar surprizë në këtë konferencë joformale për Ballkanin do të jetë edhe Presidenti i Ukrainës Volodymyr Zelensky. Prania e Zelenskyt në mbledhjen në Athinë ishte mbajtur sekret deri ditën e sotme. Presidenti ukrainas është një turne në Europë gjatë këtyre ditëve.
AGJENDA E PLOTË:
E hënë, 21 Gusht
Ora 11:00 – Takim i Kryeministrit Mitsotakis me Presidenten e Këshillit të Ministrave të Bosnje-Hercegovinës.
Ora 13:00 – Takim i Kryeministrit Mitsotakis me Kryeministrin e Rumanisë.
Ora 15:00 – Takim i Kryeministrit Mitsotakis me Kryeministrin e Kroacisë.
Ora 20:15 – Darkë informale me zyrtarët e BE për zgjerimin dhe të ardhmen europiane të rajonit me rastin e 20-vjetorit të Samitit BE-Ballkani Perëndimor “Deklaratës së Selanikut”
E martë, 22 Gusht
Ora 09:00 – Takim i Kryeministrit Mitsotakis me Presidenten e Moldavisë.
Ora 10:00 – Takim i Kryeministrit Mitsotakis me Presidentin e Malit të Zi.
Ora 10:45 – Takim i Kryeministrit Mitsotakis me Kryeministrin e Kosovës Albin Kurti.
