Kryeministri Edi Rama ka publikuar pamjet nga takimi i zhvilluar me tre nga banorët protestues të lagjeve që do të prishen banesat.
Rama në fjalën e tij ka kërkuar nga banorët që të jenë të mirkuptueshëm dhe të firmosin marrëveshjen me bashkinë, pasi në lagjen e tyre do të bëhet një lagje akoma m e bukur dhe ato si shumë banorë të tjerë që kanë ngelur pa banesë nga tërmeti do të kenë shtëpinë e tyre.
Ndërkaq një nga qytetarët që ishte në takim është shprehur se është e zhgënjyer dhe se bashkia për shkak se e ka shtëpinë pa letra nuk do të marrë parasysh dhe familja e saj ngelet në rrugë.
Rama i ka kërkuar zonjës që të ruajë qetësinë pasi ajo është e njëjtë me të gjithë dhe nuk do të ngelet pa shtëpi.
Pjesë nga biseda:
Qytetarja: Më kanë përjashtuar nga lista, kam disa pyetje
Rama: Më dëgjo njëherë mua, aty do të bëjmë një lagje për të strehuar të gjithë ju,
Qytetarja: Mua jo se jam pa leje,
Rama: Edhe ti, më dëgjo mua,
Qytetarja do më japësh fjalën ti që do më bësh me shtëpi,
Rama: Dëgjo mua njëherë,
Qytetarja: Dua të bëj pyetje se kështu e bëni ju na takoni dhe ikni, nuk e kam personalisht me ju, por ju thoni gjërat e tuaja dhe largoheni. Por unë kam thënë nëse më zgjidhni punë do ju voto,
Rama: Pyetjet në fund, votën jepjani atyre që do, s’jam për votë këtu por sepse ju jeni njëlloj për mua si qofshi me votë si pa votë.
Qytetarja: Nuk duam më gënjeshtra,
Rama: A ka mundësi të më dëgjosh, dëgjo mua. A do më dëgjosh se u bë disa herë që më ke ndërprerë fjalën, qenke gati për tu bërë deputete e partisë që ke votuar se nuk të lini me fol.
Qytetarja: Jo nuk kam votuar asnjë unë, jam e përjashtuar.
Ndër të tjera kryeministri Rama është shprehur se në lagjen 5 maji do të bëhet një lagje e bukur dhe pjesë e saj do të jenë jo vetëm banorët që kanë banesat aktualisht aty por edhe ato që kanë ngelur pa shtëpi nga tërmeti.
