Ardian Nikulaj u vra me armë zjarri të mërkurën në biznesin e tij në Shëngjin. Ngjarja ndodhi në lokalin “Coral” në pedonale të Shëngjinit, që është në pronësi të viktimës.
Policia zbardhi ngjarjen dhe lëshoi 6 urdhër arreste, ndërsa tha se ka prova të sigurta se ekzekutori ishte një portugez.
Euronews Albania ka siguruar një video ku shihet Ruben Saraiva i cili është shpallur në kërkim për vrasjen e Nikulajt, që dyshohet të jetë kryer për motive gjakmarrje.
Mes personave në kërkim, përveç portugezit, janë një person me shtetësi shqiptare dhe britanike dhe 4 shtetas britanik, mes tyre një vajzë.