Para ardhjes së teknologjisë moderne, ne kishim vetëm dy burime bazë drite në dispozicion – Diellin dhe Hënën. Dielli na ndihmonte të shihnim gjatë ditës dhe hëna na bënte të flinim gjatë natës. Sot jemi shumë larg natyrës dhe ekspozohemi në dritë edhe gjatë mbrëmjes.
Drita artificiale mund të ndikojë negativisht në shëndetin e të gjithë trupit, dhe hulumtimet kanë treguar se edhe drita e lehtë artificiale gjatë gjumit mund të dëmtojë trurin. Drita artificiale rrit nivelin e hormoneve të stresit gjatë natës dhe ekspozimi i shpeshtë ndaj një drite të tillë gjatë gjumit rrit rrezikun e inflamacionit kronik, rezistencës ndaj insulinës dhe sëmundjeve kardiovaskulare.
Gjumi me dritë artificiale mund të shkaktojë pagjumësi dhe çekuilibër hormonal. Melatonina është një hormon i nevojshëm për relaksim dhe gjumë, dhe drita artificiale pengon lirimin e melatoninës. Çlirimi i melatoninës zvogëlohet në mënyrë dramatike në prani të dritës.
Shkencëtarët kanë zbuluar se njerëzit që flenë me dritë artificiale kanë 50 për qind më pak melatonin në trupin e tyre. Pikërisht për këtë rekomandojnë gjumin në një dhomë të freskët, të ajrosur dhe të errët.
Burimi: GAZETA.MK
