Kreu i Lëvizjes “Shqipëria Bëhet,” Adriatik Lapaj, sqaroi përmes një transmetimi live në rrjetet sociale arsyet e dështimit të negociatave me deputetin demokrat Dashnor Sula për përfshirjen në listat zgjedhore.
Lapaj shprehu respekt për Sulën, duke theksuar se ai ka votuar kundër ndryshimeve kushtetuese të vitit 2008, ka mbështetur reformën në drejtësi dhe ka kundërshtuar mbylljen e listave. Sipas tij, këto qëndrime janë të vlerësueshme dhe meritojnë respekt.
Megjithatë, Lapaj tha se vendimi për të mos përfshirë Sulën në listat e koalicionit u mor pas konsultimeve me anëtarësinë e lëvizjes. Ai theksoi se synimi i tyre është të sjellin një model të ri politik dhe të mbeten besnikë ndaj parimeve të transparencës dhe bashkëbisedimit me qytetarët.
Lapaj sqaroi se procesi i finalizimit të listave ende nuk ka përfunduar dhe vendimi për të mos përfshirë Sulën nuk është rezultat i ndonjë konflikti personal, por i një qasjeje kolektive brenda lëvizjes.
Burimi: botasot.info
