Dorëheqje nga Danella Arsovska kërkuan banorët e Shuto Orizarës të cilët për shkak të borxhit të papaguar ndaj transportuesve privatë, tashmë dy vjet stërmundohen me autobusin numër 19 i cili është linja e vetme që qarkullon deri këtë lagje.
“Paguajmë për biletë nga 1400 denarë e tani duhet të paguajmë edhe për taksi për të shkuar në punë? Kjo po ndodh tashmë dy vjet, jo një. Është shumë…si nuk i vjen turp? – tha një banore e Shuto Orizarës.
“Thanë se do të ketë transport falas…Ku është? – shtoi një tjetër banore e Shuto Orizarës.
“Aty shkruan për 2 minuta, tre orë nuk ka autobus”, u shpreh një tjetër banore.
Në protestë u bashkëngjitën studentët dhe nxënësit e shkollave të mesme që janë të pakënaqur me shërbimet e NQP-së.
“Nëse do të shkosh diku, duhet të lutesh që të vijë autobusi. Nëse vjen është i stërngarkuar sepse njerëzit kanë pritur tashmë dy orë…nuk është e sigurt që të ngjitësh në një autobus të tillë”, tha studentja.
“Unë jam student në fakultetin e elektromekanikës…udhëtoj nga Novo Lisiçe dhe për këto dy vjet shumë është dobësuar cilësia e autobusëve”., theksoi studenti.
Kryetari i Komunës së Shuto Orizarit, Kurto Dudush, ka kërkuar shlyerjen e menjëhershme të borxhit ndaj transportuesve privatë. Ai thotë se nuk ka fare komunikim personal me Arsovskën, sepse ajo ishte e paqasshme për të. Dudush konsideroi se ka humbur ndjenjë për realitet nga qëndrimi i tepërt në zyrë.
“Është raciste, diskriminuese, çnjerëzore dhe e papërgjegjshme të lihen 40 mijë qytetarë pa transport për dy vjet”, deklaroi Kurto Dudush – kryetar i Shuto Orizarës.
“Për interesa personale, konflikte partiake apo politike, studentët dhe gjimnazistët nuk duhet të pësojnë”, potencoi Aleksandar Nikollovski – Asambleja e Universitare e USHKM.
Ditën e djeshme është tejkaluar problemi me autobusët e NQP-së që u zhdukën nga rrugët për shkak të mungesës së naftës. Këshilli i Qytetit miratoi një konkluzion për vazhdimin e bashkëpunimit me Qeverinë në të ardhmen me qëllim normalizimin e plotë të situatës me transportin urban.
Burimi: TV21
