Visar Behrmai, pronar i restorantit “N’Qosh” në Skenderaj, do të ofrojë shërbime falas për të gjithë mësimdhënësit grevistë të cilëve i është ekzekutuar paga e gushtit pjesërisht.
“Të gjithë profesorët, arsimtarët dhe mësuesit, të cilëve u janë ndal pagat, krejt shërbimet i kanë gratis në kafiterinë N’Qosh, në shenjë solidariteti me ta”, ka shkruar ai në Facebook, të enjten.
Sindikata e Arsimit ka nisur sot grevën për kërkuar rritje të pagave.
Por Qeveria e ka injoruar grevën, duke kërkuar nga mësimdhënësit që të shkojnë në shkollë.
E nëse nuk veprojnë ashtu do të iu ndalen pagat, sipas Hekuran Muratit, ministër i Financave Punës dhe Transfereve.
