Zëvendësministri i Drejtësisë, Blerim Sallahu ka bërë të ditur se Projektligji për Byronë Shtetërore për Verfikimin dhe Konfiskimin e Pasurisë së Pajustifikueshme, do të jetë nesër pikë e rendit të ditës së mbledhjes së Qeverisë së Kosovës.
Sallahu është krenuar me Projekligjin për Konfisikimin e pasurisë, duke thënë se Kosova do të bëhet vendi “i parë në rajon dhe me gjerë”.
Kujtojmë se ky Projekligj ishte rrëzuar nga Gjykata Kushtetuese.
Shkrimi i tij:
Nesër do të mbahet mbledhja e Qeverisë, ku një nga pikat kryesore të rendit të ditës do të jetë shqyrtimi dhe votimi në parim i Projektligjit për Byronë Shtetërore për Verfikimin dhe Konfiskimin e Pasurisë së Pajustifikueshme.
Projektligji i tillë, garanton mekanizma ligjor dhe procedural përmes të cilave mundësohet verifikimi dhe konfiskimi i pasurisë së pajustifikueshme të personave zyrtarë, duke përfshirë edhe standarte të cilat respektojnë dhe mbrojnë të drejtat e palëve në procedurë para Agjencisë dhe gjykatave.
Republika e Kosovës do të bëhet vendi i parë në rajon dhe me gjerë që do të zbatojë konceptin e konfiskimit të pastërt civil.
Përmbajtja projektligjit në fjalë, promovon dhe garanton luftë të pakompromis kundër korrupsionit dhe krimit të organizuar, ku pasuria e pajustifikuar i kthehet shtetit si pronar legjitim dhe legal i saj.
