Projekti më i ri nga David Dreshaji i bën krejt për vete

Duket si një pjesë e ndonjë seriali të bukur televiziv, ku në fund mbetet vetëm çifti dhe lumturia e pafund, i rrethuar me sytë blu dhe detin e kaltër.

Kjo është bukuria e klipit dhe mesazhi i bukur i dashurisë, i ardhur në projektin më të ri nga këngëtari David Dreshaj. Dhe, ashtu siç ishte paralajmëruar, modelja në klip, sipas skenarit të tekstit, është vajza që ia ka marrë zemrën këngëtarit simpatik dhe i përshtatet më së bukuri, siç quhet edhe kënga “Sytë e tu”.

Videoklipi ka ardhur tashmë dhe po pritet mjaft mirë, duke u parë me qindra mijëra herë që në orët e para të publikimit.

Producenti Indrit Dode është ai që ka bërë muzikën, melodinë, mix-master dhe beat-in, ndërsa teksti që i dedikohet dashurisë është krijuar nga vetë Davidi dhe Indrit Dode.

Videoklipi është realizuar nga Mars Studio, Endrit Rrahimi, me praninë e modeles Andjela Vukadinoviç.

Kënga me klip tashmë është në të gjitha platformat online dhe mund ta shikoni e dëgjoni edhe në linkun më poshtë, duke e futur në playlistat tuaja më të dëgjuara të këngëve të dashurisë.