Projekti i ri i fotografit Valery Poshtarov, i titulluar “Lutja për shtëpinë” paraqet portrete të refugjatëve ukrainas në Bullgari, në sfondin e Detit të Zi, të ndarë ata nga atdheu i tyre, tha Poshtarov për BTA.
Për ketë projekt, Poshtarov-it iu deshën një javë për të shëtitur në plazhet e Detit të Zi, ku refugjatët ukrainas ishin akomoduar në hotele. Ai i ftoi pjesëmarrësit “të dërgojnë lutje në shtëpi” dhe vuri në dukje se lutjet tani po arrijnë në destinacionin e synuar, pasi fotografitë po qarkullojnë në mediat ukrainase.
Poshtarov-i tha se këtë projekt nuk e sheh si ekspozitë dhe zgjodhi që ta publikojë vetëm online.
Në Bullgari janë nëntë mijë refugjatë ukrainas, sipas të dhënave të fundit nga 8 dhjetori, tha zëvendësministri i Punës dhe Politikës Sociale, Emil Mingov, në një takim të Komisionit Parlamentar për të Drejtat e Njeriut, Fetë dhe Ankesat e Qytetarëve.
Janë 1200 fëmijë refugjatë në Bullgari, 437 prej tyre të pashoqëruar, tha të enjten Mariana Tosheva, kryetare e Agjencisë Shtetërore për Refugjatë në kuadër të Këshillit të Ministrave, gjatë forumit të diskutimit ligjor “Lex Talks 2022: Fëmijët dhe Lufta”, forum diskutimi ligjor i organizuar nga Rrjeti Kombëtar për Fëmijët dhe Rrjeti i Ndihmës Ligjore. Koordinatori i “Rrjetit të Ndihmës Ligjore” – një shoqatë joformale e avokatëve dhe avokatëve të të drejtave të fëmijëve, Georgi Elenkov, shtoi se që nga fillimi i luftës në Ukrainë, 52,000 fëmijë refugjatë ukrainas kanë kërkuar mbrojtje në Bullgari.
Valery Poshtarov është një fotograf bullgar, veprat e të cilit janë pjesë e koleksioneve të institucioneve të njohura ndërkombëtare si Presidenca e Republikës së Francës, Ambasada Franceze në Irlandë, Qendra Kulturore Bullgare në Paris, Muzeu-Galeria e Jevgeny Jevtushenkos në Moskë, etj.
Pas diplomimit në Shkollën Kombëtare të Arteve të Varnës, Poshtarov studioi në Sorbonne dhe më pas themeloi galerinë e parë të artit online në Evropën Lindore në vitin 2011. Në fund të vitit 2021 ai themeloi fondacionin “PhotoAnthology” me synim për të promovuar praktikat artistike në fotografi dhe realizimin e projekteve dokumentare për publikun.
Këtë vit, Poshtarov publikoi librin e tij të parë me foto, me titull “Njeriu i fundit që qëndron në malet Rodope”, i cili është rezultat i ekspeditave në 985 fshatra lokale në harkun kohor prej 14 vjetësh. Projekti i tij i radhës titullohet “Babai dhe i Biri” dhe do të shfaqë portrete të baballarëve me djemtë e tyre të rritur të kapur për dore, në të 28 rajonet e Bullgarisë.
Projekti “Lutja për shtëpinë” është realizuar me mbështetjen financiare të Fondit Kombëtar të Kulturës së Bullgarisë./BTA
Burimi: GAZETA.MK
