Kjo do të jetë vizita e fundit e autoriteteve belge në vendin tonë apo do të ketë edhe një tjetër? Gazetari Artan Hoxha tha se do të ketë një tjetër vizitë por ai e lidhi me vrasjet e shqiptarëve së fundmi në Belgjikë.
“Ka ditë që kanë ardhur belgët. Në dijeninë time shumë shpejt do jenë disa prokurorrë të tjetër që po merren me vrasjen e Arjan Muçës. Atje janë vrarë 2 personazhë shumë të famshëm të botës së krimit. Unë do ta shoh më shpesh ardhjen ne prokurorëve belgë në Shqipëri. Kjo është çështje që vijon prej 3 vitesh dhe kanë afat deri në 5 vjet për ta hetuar këtë çështje”, tha Hoxha.
“Pala e Berishës e akuzonte Bashës se iu shmang thirrjes së prokurorëve belgë që në 18 dhjetor. U përpoqën të krijojnë bindjen se Basha nga kjo thirje ishte në vështirësi. A ishte në vështirësi sot Basha? A është ky hetim që e vë në vështirësi Bashën?”, ishte kjo pyetje e analistit Mentor Nazarko.
“Një nga batutat e Berishës është se mendimi evolon. Unë merrem me kronologjinë, në 2018 Berisha kishte mendim tjetër, në 2021 mendimi kishte evoluar, pra mendonte se Basha ishte pjesë e organizatës kriminale”, tha Artan Hoxha për Abc News.
