Shkup, 11 Dhjetor – Kundër njëzet prindërve gjatë tre muajve të fundit është ngritur procedim kundërvajtës, pasi që nuk i kanë faksinuar fëmijët e tyre. Dhe për këtë ata duhet të paguajn gjobë prej 650 eurosh.
Një hulumtim i UNICEF-it tregoi se 4 në 10 prindër, për shkak të mungesës së informacionit për vaksinat, kanë dilemë nëse duhet të imunizojnë fëmijën e tyre.
30% kanë deklaruar se marrin informacion jo të plotë dhe konfuz, për shembull, pse bëhet një vaksinë e caktuar në vendin tonë, e cila në vendet perëndimore nuk është përfshirë prej kohësh në kalendarin e vaksinimit. Autoritetet shpjegojnë – kjo është kështu, sepse këtu ekziston rreziku i përhapjes së atyre infeksioneve.
“Nuk bëhet fjalë vetëm për prind që janë kundër vaksinave, por një numër i madh i prindërve kanë pyetje, ju duhen informacione, këshilla dhe konsultime me mjektë e tyre. I inkurajoj ata prindër të cilët nuk i kanë vakcinuar fëmijët, ti sjellin fëmijët që ti vaksinojmë” – tha Aleksandra Grozdanova, koordinatore kombëtare për imunizim.
Zyrtarët sigurojnë se vaksinat janë të sigurta. Ata si shembull e tregojnë vitin 2019. Për 6 muaj, 46 mijë fëmijë u imunizuan me vaksinën MRP dhe nuk u raportua asnjë reagim negativ.
“Në sistem futen numrat e saktë të serisë, numrat e çdo vaksine qe ka arritur, sasitë që janë blerë, data e skadencës së vaksinave dhe të gjitha ato të dhëna. Shpërndahen në punktete e vaksinimit. Çdo vaksinë e aplikuar për çdo fëmijë apo të rritur regjistrohet nga ekipi, kështu që duke i lidhur të gjitha ato informacione marrim një kartë vaksinimi për çdo person, saktësisht në çdo moment dihet çdo e dhënë që lidhet me imunizimin e tij” – u shpreh udhëheqësja e sistemit elektronik “Termini Im”, Zhaklina Çagoroska.
Nëpërmjet “Termini im”, mjekët amë në çdo kohë mund të raportojnë reagime të padëshiruara që pacientet kanë nga vaksina.
Burimi: zhurnal.mk
