10 miliardë rubla të sekuestruara nga Yevgeny Prigozhin tashmë i janë kthyer kreut të Wagner, ndoshta për shkak se “ndërhyri forca madhore”. Kjo është shkruar nga Fontanka, një faqe lajmesh në Shën Petersburg, qyteti ku më 24 qershor policia, si pasojë e revoltës së Ëagnerit, kishte sekuestruar arka me dhjetë miliardë rubla (baraz me 111 milionë dollarë) nga kompania mercenare, qindra mijëra dollarë dhe pesë shufra ari. Hetuesit nuk kanë dashur t’i kthejnë paratë e sekuestruara, por “duke gjykuar nga përmbysja ka ndërhyrë forca madhore”. Pasuritë thuhet se iu kthyen më 2 korrik shoferit të Prigozhin, i cili kishte një prokurë.
Sipas disa raporteve, Prigozhin ishte ndërkohë në Moskë. Këshilltari i Ministrisë së Brendshme të Ukrainës Anton Gerashchenko komentoi lajmin: “A nuk duket se ishte urdhër personal i Putinit? Unë mendoj se Prigozhin ka disa informacione komprometuese për Putinin, pasi ai shpëton me një kryengritje të armatosur dhe i kthen paratë e tij. A do t’i përdorë ai për të financuar rebelimin e tij të ardhshëm?”.
Polemikat rreth mercenarëve të Ëagnerit vazhdojnë edhe pas grushtit të shtetit. Kujtojmë se disa ditë më parë Yevgeni Prigozhin nisi një kryengritje të armatosur, që përfundoi po me urdhër të 62-vjeçarit dhe arratisjes së tij në Bjellorusi.
Gjithçka mbaroi brenda ditës, kur Kremlini njoftoi se mercenarët e Wagner ishin dakordësuar që të largoheshin pas një marrëveshje që ish siguruar me ndërmjetësimin e liderit bjellorus, Alexander Lukashenko. Presidenti Vladimir Putin ndjeu për herë të parë në dekada kërcënim brenda shtëpisë së tij. Ai e quajti këtë veprim si tradhti dhe u zotua se do ta shtypte shumë shpejt.
Burimi: GAZETA.MK
