Presidenti ukrainas Volodymyr Zelenskyy mbërriti sot në Suedi për një vizitë, raportojnë mediat lokale, transmeton Anadolu.
Zelenskyy, i shoqëruar nga bashkëshortja e tij Olena Zelenska, do të takohet me familjen mbretërore suedeze, kryeministrin Ulf Kristersson, kryetarin e parlamentit Andreas Norlen, komandantin e përgjithshëm të Forcave të Armatosura Suedeze dhe liderët e partive politike, njoftoi transmetuesi publik SVT.
Sipas transmetuesit, takimet e Zelenskyyt me udhëheqjen suedeze do të përqendrohen në sigurinë dhe mbështetjen suedeze për anëtarësimin e Ukrainës në BE.
Më parë këtë javë, qeveria propozoi një paketë të 13-të të mbështetjes për Ukrainën me vlerë 3,4 miliardë korona suedeze (afërsisht 310 milionë dollarë).
Suedia deri më tani i ka dhuruar Ukrainës pajisje mbrojtëse me vlerë rreth 17 miliardë dollarë.
