Pasi presidenti i vendit, Stevo Pendarovski nënshkruajti propozim ligjet e miratuara nga Kuvendi lidhur me Korridorin 8-10D, ka reaguar zëvendëskryeministri I parë, Artan Grubi, i cili njëherë është edhe korridinatori i këtyre projekteve që kanë edhe mbështetjen e SHBA-ve.
Grubi nëpërmes një statusi në “Facebook”, ka përshëndetur vendimin e Pendarovskit për të firmosur Dekretin e shpalljes së ligjeve për ndërtimin e Korridorit 8 dhe 10D.
Ka shtuar se këto ligje janë thelbësore për realizimin më të shpejtë dhe më cilësorë të projektit më të rëndësishëm në historinë e vendit.
Reagimi i plotë:
Përshëndes vendimin e kryetarit Pendarovski për të firmosur Dekretin e shpalljes së ligjeve për ndërtimin e Korridorit 8 dhe 10D.Këto ligje janë thelbësore për realizimin më të shpejtë dhe më cilësor të projektit më të rëndësishëm në historinë e vendit.
