Presidenti i Shqipërisë, Ilir Meta, u ka bërë thirrje qytetarëve të gjashtë bashkive në Shqipëri që të marrin pjesë sa më pasivisht në zgjedhjet e gjashtë marsit.
Kreu i shtetit shqiptar tha se këto zgjedhje janë të rëndësishme, teksa inkurajoi qytetarët që të dalin në votime.
“I ftoj të gjithë qytetarët e gjashtë bashkive ku do të votohet më 6 mars që në mënyrë të qetë dhe masive të marrim pjesë në zgjedhjet e pjesshme vendore për të zgjedhur kandidatët më me integritet. Këto zgjedhje janë shumë të rëndësishme, ndaj i inkurajojë të gjithë të marrin pjesë”, është shprehur Meta për TV1 Channel.
Kujtojmë se më 6 mars në Shqipëri do të mbahen zgjedhjet e pjesshme në gjashtë bashki, atë të Shkodrës, të Dibrës, të Durrësit, të Vorës, të Rrogozhinës dhe atë të Lushnjës.
