Presidenti ukrainas Volodymyr Zelensky publikoi një video të re në Facebook.
“Sot është e diela e faljes. Por ne nuk mund të falim qindra e qindra viktima. As mijëra e mijëra që kanë vuajtur”, shkruhej në mbishkrimin e videos.
“Dhe Zoti nuk do të falë. Jo sot. Jo nesër. Kurrë. Dhe në vend të Faljes, do të ketë Gjykim.”
Zelensky akuzoi Rusinë për planifikimin e “vrasjes së qëllimshme” në granatimet e territorit ukrainas, shkruan CNN, përcjell “Bota sot”.
“Për nesër Rusia ka njoftuar zyrtarisht bombardimin e territorit tonë. Ndërmarrjet tona të kompleksit të mbrojtjes. Shumica janë ndërtuar dekada më parë nga qeveria sovjetike, të ndërtuara në qytete. Dhe tani ata janë në mes të një mjedisi të zakonshëm urban,” tha Zelensky.
“Mijëra njerëz punojnë atje. Qindra mijëra jetojnë afër.”
Ai shtoi, “kjo është vrasje. Vrasje me dashje.”
Videoja e publikuar në mediat sociale të shtunën tregoi pjesë të një fabrike tankesh ukrainase jashtë Zhytomyr, Ukrainë — rreth 85 milje (140 kilometra) në perëndim të Kievit — që është rrafshuar pas sulmeve ushtarake ruse.
Zelensky tha se nuk ka dëgjuar nga asnjë aleat të dielën.
“Dhe nuk kam dëgjuar një reagim nga asnjë lider botëror sot. Nga asnjë politikan perëndimor. Nuk ka asnjë reagim për këtë njoftim. Mendoni për ndjenjën e mosndëshkimit të pushtuesve: ata shpallin mizoritë që janë planifikuar. Pse?”
Ministria e Mbrojtjes e Mbretërisë së Bashkuar tha të dielën se Rusia po synon zonat e populluara në Ukrainë “me gjasa” si një përpjekje për të thyer moralin e vendit./BOTASOT
