Presidenti i UEFA, Alexander Ceferin, e ka uruar Agim Ademin për zgjedhjen e tij për herë të dytë radhazi në krye të Federatës së Futbollit të Kosovës.
Ndër të tjera, Ceferin e ka përgëzuar Ademin për punën që ky i fundit ka kryer në mandatin e parë, shkruan lajmi.net.
Më poshtë gjeni letrën e plotë të Ceferin drejtuar Ademit:
“I nderuar zoti President, i dashur Agim,
Jam i lumtur t’ju përgëzoj për rizgjedhjen në krye të Federatës së Futbollit të Kosovës.
Shumë punë të rëndësishme tashmë janë bërë për të ndërtuar dhe përmirësuar infrastrukturën e futbollit – stadiumet, fushat, qendrat kombëtare të stërvitjes janë disa shembuj kyç deri më sot.
Ky progres i jashtëzakonshëm ka vendosur themelet për të ardhmen dhe ka krijuar një mjedis ku futbolli mund të ngrihet dhe të rritet për të përmbushur potencialin e tij të plotë.
Të uroj gjithë të mirat në mandatin në vazhdim Agim dhe mezi pres të të takoj ty dhe të gjithë ekipin e Federatës së Futbollit të Kosovës, i cili vazhdon të inkurajojë, zgjerojë dhe ofrojë mundësi të reja dhe emocionuese për futbollin në Kosovë.
Me respekt,
Aleksandër Çeferin”
