Presidenti i Qipros, Nicos Anastasiades, ka rezultuar pozitiv me COVID-19, sipas një zyrtari qeveritar.
Marios Pelekanos tha të martën se Anastasiades rezultoi pozitiv gjatë testimit rutinë dhe se ai është në gjendje të mirë vetëm me simptoma të lehta.
Në përputhje me protokollet ekzistuese, presidenti ka anuluar angazhimet e tij, duke përfshirë përkujtimet e 48-vjetorit të pushtimit të Qipros nga Turqia, një ngjarje që ndau kombin ishullor të Mesdheut lindor përgjatë vijave etnike.
Sipas shifrave të Ministrisë së Shëndetësisë, Qipro kishte një shkallë të infeksionit me koronavirus prej 12.6 për qind midis 8 korrikut dhe 14 korrikut. Vendi raportoi shtatë vdekje të lidhura me COVID-19 gjatë së njëjtës periudhë me një numër të përgjithshëm vdekjesh prej njëmijë e 86 që nga fillimi i pandemisë.
Qiproja rifuti në fuqi mandatin e saj të maskës javën e kaluar mes një rritjeje të rasteve të COVID në të gjithë Evropën, vetëm një muaj pasi hoqi rregullin.
