Presidenti i Iranit, Ebrahim Raisi publikoi një mesazh ngushëllimi për ata që humbën jetën në tërmetin me qendër në Kahramanmaraş të Türkiye-s, i cili preku edhe vendet e rajonit, transmeton Anadolu.
Sipas Agjencisë së Lajmeve të Studentëve Iranianë (ISNA), në mesazhin e tij me shkrim, presidenti Raisi i shprehu ngushëllime presidentit Recep Tayyip Erdoğan dhe popullit turk për tërmetin.
Duke u shprehur se janë gati për ndihmë të menjëhershme, Raisi i dërgoi një mesazh të ngjashëm edhe Bashar Asadit, liderit të regjimit të Sirisë, i cili u dëmtua nga tërmeti.
Kryetari i Parlamentit iranian, Mohammad Bagher Ghalibaf, në fjalën e tij në mbledhjen e Kuvendit, shprehu ngushëllimet e tij për popullin e Türkiye-s dhe Sirisë, në emër të popullit iranian, për viktimat në tërmet.
